يا حروفي أتكلمي بقلم الشاعرة أحسان صادق

ياحروفى إتكلمى

أنا لملمت اللى فاضل منى وجرحى جوايا كتير واجعنى وحروفى بقت تلومنى ودموعى تملى تسبقنى وادارى اللهفة فى عيونى وليه الناس يلومونى وإيه ذنبى ياناس جاوبونى هو الحب كان بإيدينا نفضل نلوم علي بعضينا حرام كفاية تعبتونا الحب عمره ماكان ذنب ده إحساس بيحيى القلب والنبض تملى يهرب والروح تطير وتتغرب من الحبيب تجرى تقرب يلا يا حروفي إتكلمى طيرى في السما وإحلمى قولى تملى وإوصفى على قلوب البشر طبطبى الحب احساس راقى وجميل عنوان للخير ودليل نهر يسقينا سلسبيل نعيش بيه نهار وليل الحب شذي وعطر الزهور زقزقة وغنى عصفور الحب فى حياتنا تملى نور عنوان للسعادة والسرور

بقلمي / إحسان صادق