اسمعوني يا خلق بقلم الشاعر احمد الاسيوطي

اسمعوني يا خلق

اسمعوني يا خلق واصحوا

مش هغير طبعي أبدا

مش هجيب فى كلام وارصه

في كلام مهم جدا

للي فاهم واللي دارس

واللي لف وخد مقالب

واللي عامل نفسه فارس

مهزوم وفكر نفسه غالب

اسمعوني يا خلق واصحوا

لما تبقى كبير ودارك

يبقى حق اللوم عليك

ولا في الممنوغ تشارك

ووقت الجد تشيل أيديك

لما الغرور ياخدك وتكبر

وتدي غيرك بـالشلوت

وتنسى أن المولى اكبر

مش هتعرف بكره تفوت

اسمعوني يا خلق واصحوا

هو انت لو نفسك تكون

شخص بين الناس معروف

تقتل فيك انسان حنون

وتحيي قلب مفهش خوف

اوعد بوعد واحلف يمين

للتواضع تبقى خاضع

لان دا كلام الامين

كلام مفيش عنه التراجع

اسمعوني يا خلق واصحوا

حبكم في القلب واصل

باقي على عشرة سنين

لو تساعدوني .. اواصل

ناخد بإيد المحتاجين

في النهايه نقولها تاني

اني ليكم مش عليكم

وإني مش إنسان أناني

انا بظهر الحلو اللي فيكم

كلمات .. احمد الاسيوطي