هات اديكي بجد بقلم الشاعر عطيه ابو حراز البويطي

هات اديكي بجد

نرسم امل بكره

عايز يكون الرد

ليا معاك فكره

نرسم طريق الحب

بين السما والارض

والنجمه تبقي بساط

ونداوم العشره

نمسح عيون القمر

من دمعتين سايلين

عالخد حفرو حفر

من فرقة العاشقين

سابو هناك ذكري

ياحبيبي خلي الامل

ورده في جوا مدانا

نجري وم المحتمل

تهرب وتيجي ورانا

نورب بساطنا وراها

يشغل مدانا الامل

عاهديني فوق العهد

ابصم وبالعشره

يا حبيبتي اوعي تقولي

الحب مش لينا

دا الحب بين لتنين

شراع مع سفينه

والدنيا بحر غويط

دا الحب لو يوم غاب

وغرقنا جوا البحر

مين راح ينجينا