عدد الضحايا فـ سكتك بقلم الشاعرة منى ربيع

عد الضحايا في سكتك كم واحدة عشقت حضرتك عامل لي فارس وسطهم طب بس لملم وكستك دا انت الضمير عمره ما مر ف جُعبتك إوعك تصدق الخداع اللي رسمته ف سحنتك

فاكر اني واحدة منهم لأ إصحى فوق يا عَمُهُم صحيح خداعك مسني صوتك يقول بيحبني شوفت ف عينيك نظرة صفا عيشت ف هواك لمسة دفا

فجأة لقيتني زيهم ماشية وراك في خطوتك عامية العينين قافلة الودان لجل اما تفرح حضرتك وفرحت فعلًا وانتشيت لما لقيتني زيهم فمسحتني بجرة قلم قصدى البلوك ف صفحتك من بعدها شربت الألم قررت افوق ولا إني اعيش في دور ضعيف اللي اتظلم قررت اكون إنسان جديد قلبه خلاص بقى من حديد قررت اشوفك كل يوم من غير عتاب ولا حتى لوم قررت اقرب...... واكشفك واعمل عليك بالكاميرا زووم #منى_ربيع