طرح الأمل أحلام بقلم الشاعر رجب ابو زيد

*طرح الأمل أحلام*

طرْح الأمل أحلام

واليأس طرحه شوك

اوعى ياقلبى تنام

بكره الليالي تروق

بينى وبينه بحور

وبرضه هاستناه

طريقى صعب طويل

علشانه كله يهون

حبيبي ولاحد تاني

فى الدنيا يملى مكانه

انا قلبي بيه مجنون

اصل الحكايه طويله

والسر مستور فقلبي

عاوزلى كام الف حيله

عشان القى الحبيب جنبى

آهين ياقلبى عليك

ولاحد دارى بهيامك

غير الحبيب اللي شاريك

وصعبان عليه انشغالك

بقلمي

رجب أبوزيد