انا جايه في ايدي ورده بقلم الشاعرة إحسان صادق

انا جايه في ايدي. ورده

والقلب متشوق

جايه اعتذر بشدة

وبعت لك مراسيل

قطعت ليه الرسالة

صدقنى مش كلمة متقالة

روحى بتتقطع

بحلم فى يوم بالوصل

حبيبى انت الاصل

انت شعاع الامل

خلاص كفاية زعل

متقولش لا ارحل

تعالى قوام قرب

وبلاش حبيبي تهرب

من قلب بجد حب

وعاش ببعدك متعذب

فى قربك يتحقق حلمى

حبيبى بلاش تظلمنى

كفاية وانسى الوجع

يلا سامح واوعدنى

ترجع ليالى الصفا

من تانى تسعدنا

بقلمي / إحسان صادق