إزاي أنساك بقلم الشاعر فؤاد عبد الجواد

إزاي أنساك

ده أنت هوايا والقلب مناك

وكل حياتي والنفس فداك

وشجون الروح تتمنى لقاك

لفيت الدنيا والقلب معاك

ده في كل طريق مشيته وياك

بكدب روحي أنا بكرة ألقاك

بقالي يومين بحاول أنساك

كل اللي قدرته أن انسي جفاك

ليلي نهاري أنا بستناك

وكل منايا ألتقي وياك

وصبح وليل عايش لذكراك

ده أنت حياتي والقلب هواك

والله ده روحي تتمني رضاك

ولو قلت أنساك أنا مش هنساك

هي قالت لي بكرة تعود

وقلبي قالي أكيد هتعود

اطمئن يقلبي هي ليك بشهود

دايماً عارفة حافظه لي عهود

ده دمعة عينيها شريان لسدود

وهدية من ربي وكيد لحسود

فؤاد عبد الجواد