حلم ولا علم قصة بقلم الشاعر والأديب حسن سعيد

قصة قصيره

حلم ولا علم

يوم عادي جدا اجازة صاحي براحتي دقني طويله و التكشيرة ماليه وشي الباب خبط ايوه مين هشام باعتنا فتحت هشام مين انا اللي هانظبط الشارع . قولنا عايز المسرح فين و الكوشه و كمان مساحة الحضور من فين لفين كلام كله ورا بعضه مفيش لحظه لتفكير بص من هنا كويس الحته دي متساويه نعمل فيها الكوشه و الجانب التاني منها المسرح بالفرقه و نطول بالشرفه لغاية الضل اللي هناك ده كده المساحه و المسافه تمام تاخد المعازيم معازيم اه صح معازيم و لا نكبر و نعرض اكتر لا لا كويس كده امي امي هو فرحي النهارده مش عارفه يابني محدش قالي شوف اخوك كده و اساله بقولك ايه تعالى فوقني هو فرحي النهارده معرفش انت ما قولتش حاجة يووووه انا هاسالهم جايين لمين خد يابني مين اللي باعتكم و باعتكم لمين هشام اللي باعتنا و باعتنا ليك طيب لما فرحي النهارده ليه ماعلقتوش الزينه من امبارح الزينه مجاملة من هشام و انت ماكنتش عايزها اساسا و احنا كان عندنا شغل امبارح .... بعدين احنا خلاص ساعة أهو وكله هايبقى تمام. امي امي مين العروسه .... عروسة ايه يابني و بعدين بقى يا حاج انت خطبت لي من غير معرف مين العروسه ههههه بتقول ابه يابني راجع نفسك مانت كل يوم في قصه شوف واعدت مين و فرحك النهارده يا نهار مش ولابد طيب معرفش العروسة و الفرح بيجهز بره اودي مين الكوافير طيب و فستانها جابته ولا هاتأجر واحد خليها تلبس بتاع صاحبتها يا دي النيله هي مين اساسا امي ما تشوفي كده اتصلي بأم حنان شوفيها يمكن تكون هي و ماتقوليش حاجه سيبيها هي تتكلم ولا اقولك انا هاكلم سامح اخو البت سهام هيكون عارف لو العروسه اخته استغفر الله العظيم ايه اللي انا فيه ده

حبيبي حبيبي قوم عشان تفطر و تروح الشغل اشهد الا اله الا الله اعوذ بالله حتة كابوس مالك يا قلبي لا لا مفيش يا روحي الولاد راحو المدرسه ايوه كابوس ايه كفالله الشر لما ارجع تكوني نسيتي باذن الله

حسن سعيد إبراهيم